Mazingira na Udhibiti Taka Ngumu

UTANGULIZI

Idara ya Usafi na Mazingira ni moja kati ya Idara zinazounda Halmashauri ya Mji Korogwe. Jukumu kubwa la Idara ni pamoja na usimamizi wa shughuli za Usafi  na uhifadhi wa Mazingira kwa lengo la kupendezesha Mji, kudhibiti kuenea kwa taka na kuzuia kuenea kwa magonjwa yatokanayo na uchafu na udhibiti wa uharibifu wa Mazingira.Hii ni katika kuboresha ustawi wa jamii ili kuleta maendeleo kwa wananchi wa Mji wa Korogwe.

MAJUKUMU YA IDARA:

• Kusimamia Usafi wa Majengo, Maeneo ya Wazi, Barabara na Mifereji.
• Kusimamia na kuratibu Usafirishaji, Uchambuzi na Utupaji wa taka ngumu katika eneo rasmi (Dampo)
• Kusimamia utekelezaji wa sheria zinazohusu Afya ya mazingira.
• Kusimamia udhibiti wa uchafuzi wa mazingira, Ardhi, Maji, Hewa na Sauti katika makazi.
• Kusimamia utunzaji wa Mazingira na upandaji wa Miti na upendezeshaji wa Mazingira
• Kufanya tathimini ya athari za Mazingira katika shughuli mbalimbali za maendeleo.
• Kukusanya na kuchambua takwimu za Afya ya Mazingira.
• Kuelimisha jamii juu ya mbinu za kujikinga na kupambana na magonjwa ya mlipuko.