Jhpiego, Pfizer Foundation wajipanga kutoa Mashine ya Upimaji wa Viashiria vya Saratani katika Mji wa Korogwe

Posted on: May 15th, 2024

Jhpiego, Pfizer Foundation wajipanga kutoa Mashine ya Upimaji wa Viashiria vya Saratani katika Mji wa Korogwe

Taasisi ya Jhpiego Pamoja na Pfizer Foundation wamejipanga kutoa Mashine ya Upimaji wa Viashiria vya Saratani ya Matiti katika Mji wa Korogwe. Mashine hiyo yenye uwezo wa kuhamishika kutoka eneo moja hadi jingine itakuwa chini ya usimamaizi wa Hospitali ya Mji wa Korogwe (Magunga). Ahadi hiyo ilitolewa na Mwakilishi wa Taasisi ya Jhpiego Dkt. Sunday Wanyika wakati akitoa Mafunzo ya jinsi ya kupunguza madhara ya Ugonjwa wa Saratani ya Matiti katika Jamii. Mafunzo hayo ya Siku Moja yalifanyika Mei 15, Mwaka huu (2024) katika Ukumbi wa Mikutano wa Haule uliopo Mjini Korogwe.

Mafunzo hayo ya kuwajengea Watu uwezo jinsi ya kupunguza madhara ya Ugonjwa wa Saratani ya Matiti katika Jamii yalihudhuriwa na Washiriki mbalimbali wakiwemo Wataalamu wa Afya, Viongozi mbalimbali pamoja na Waandishi wa Habari. Mgeni Rasmi katika mafunzo hayo alikua Mkurugenzi wa Halmshauri ya Mji wa Korogwe Bi. Mwashabani Mrope.