MH. RAISI JOHN P.J MAGUFULI AZINDUA KITUO KIPYA NA CHA KISASA CHA MABASI KOROGWE MJINI

Posted on: August 7th, 2017

Mh. Rais Dkt. John P.J Magufuli leo tarehe 7/8/2017 amefungua/amezindua rasmi stendi mpya na ya kisasa ya mabasi katika Mji wa Korogwe ambayo imejengwa kwa fedha za mkopo toka benki ya dunia kiasi cha Shilingi Billioni nne (4).

Stendi hii inauwezo wa kuhudumia mabasi 45 yanayosubilia abiria,mabasi 15 yanayopita, mabasi madogo ya safari za ndani/mkoa 33, maegesho ya pikipiki (bodaboda) 20, maegesho ya bajaji 28,maegesho ya taxi 14, maegesho ya magari ya watu binafsi 14, eneo la maegesho ya magari ya polisi, maegesho ya magari ya wanunuzi 15 na maegesho ya magari ya wafanyakazi/wafanyabiashara waliopo stendi 16.

Pia stendi ina maduka 122 yanayounda sehemu ya uzio wa stendi, ofisi za kukatia tiketi 27, kituo kidogo cha polisi, trafik bus chek point, kibanda cha huduma za kifedha( ATM), jengo la kupumzikia abilia ambalo lina mgahawa na duka la kisasa, jengo la utawala,vyoo vya nje na ndani na vibanda viwili vya askari wa getini.