Mkuu wa Mkoa wa Tanga aridhishwa na maandalizi ya uchaguzi Korogwe

Posted on: October 29th, 2024

Mkuu wa Mkoa wa Tanga aridhishwa na maandalizi ya uchaguzi Korogwe

Mkuu wa Mkoa wa Tanga Mhe. Balozi Dkt. Batilda Burian ameridhishwa na maandalizi ya uchaguzi wa Serikali za Mitaa katika Jimbo la Korogwe Mjini pamoja na Korogwe Vijijini. Mhe. Balozi Dkt Batilda Burian alitoa kauli hiyo wakati alipofanya ziara ya Siku Moja katika Jimbo la Korogwe Mjini pamoja Korogwe Vijijini kwa lengo la kukagua Vifaa vya Uchaguzi wa Serikali za Mitaa unaotarajiwa kufanyika Novemba 27, 2024. Ziara hiyo ya kutembelea Jimbo la Korogwe Mjini pamoja na Korogwe Vijijini ilifanyika Oktoba 29, Mwaka huu (2024).

 Katika ziara hiyo ya Ukaguzi wa Vifaa vya Uchaguzi katika Jimbo la Korogwe Mjini pamoja na Korogwe Vijijini, Mkuu wa Mkoa wa Tanga Mhe. Balozi Dkt. Burian aliambatana pamoja na Kamati ya ulinzi na Usalama kutoka Mkoa wa Tanga pamoja na Wilaya ya Korogwe