Viongozi wa dini watakiwa kuhamasisha wananchi wajitokeze kwa wingi siku ya upigaji kura

Posted on: November 13th, 2024

Viongozi wa dini watakiwa kuhamasisha wananchi wajitokeze kwa wingi siku ya upigaji kura

Msimamizi wa uchaguzi wa Halmashauri ya Mji wa Korogwe Bi. Mwashabani Mrope amewataka viongozi wa dini katika Mji wa Korogwe kusaidia kuhamasisha Wananchi wajitokeze kwa wingi siku ya upigaji kura katika uchaguzi wa Serikali za Mitaa unaotarajiwa kufanyika Novemba 27, 2024. Bi. Mwashabani alitoa kauli hiyo wakati alipokutana na Viongozi wa dini kutoka Kamati ya Jukwaa la Amani Wilaya ya Korogwe. Kikao hicho cha Wajumbe wa Kamati ya Jukwaa la Amani na Msimamizi wa uchaguzi kimefanyika Novemba 13, Mwaka huu (2024) katika Ukumbi wa Halmashauri ya Mji wa Korogwe.