BARAZA LA MADIWANI 2025 LAAPISHWA

Posted on: December 3rd, 2025

Baraza jipya la madiwani Halmashauri ya Mji Korogwe limeapishwa na kuanza rasmi majukumu yake 03/12/2025 katika ukumbi wa Halmashauri ya Mji Korogwe. Katika baraza hilo Mkurugenzi Bi. Zahara Msangi  amewasilisha taarifa ya utekelezaji kwa kipindi Cha July - October 2025.

Baada ya uapisho kulifanyika uchaguzi wa Mwenyekiti na Makamu Mwenyekiti, ambapo Mheshimiwa Ally Saddiq Mkwavingwa  alichaguliwa kuwa Mwenyekiti wa Halmashauri, huku Nassoro Mohamed Hassan akichaguliwa kuwa Makamu Mwenyekiti.

Akizungumza baada ya kuchaguliwa, Mwenyekiti mpya Ally Saddiq Mkwavingwa aliwaomba Madiwani na wataalamu wa Halmashauri kushirikiana kwa karibu katika mipango ya maendeleo ili kufanikisha malengo waliyojiwekea. Aidha, aliipongeza Ofisi ya Mkurugenzi na timu ya wataalamu kwa kusimamia vyema miradi ya maendeleo pamoja na kuibua vyanzo vipya vya mapato vitakavyoongeza uwezo wa Halmashauri kifedha.