Historia

Halmashauri ya Mji  wa Korogwe ni moja ya Halmashauri kumi na moja katika mkoa wa Tanga na iliundwa mwaka 2005 baada ya kukua kwa  Mamlaka  ya Mji iliyokuwepo tangu 1996-1997. Halmashauri ya Mji  wa Korogwe inapatikana  katika sehemu ya kati ya Mkoa na kuzungukwa na maeneo mengine ya Wilaya ya Korogwe (ikizungukwa na  Halmashauri ya Wilaya ya Korogwe) ila kwa Wilaya ya Handeni upande wa kusini. Iko katika latitudo 50 na 5⁰14’ S na katika longitudo 38⁰23' na 30⁰33' E.

Halmashauri ya Mji  wa Korogwe ni Mji wa pili kwa ukubwa  katika Mkoa wa Tanga baada ya  Jiji la Tanga. Halmashauri ya Mji  wa Korogwe ina  kata 11 na mitaa 24 ndani ya eneo lenye Kilomita za mraba  212,  ndilo eneo ndogo kuliko yote kati ya   Halmashauri 11 katika mkoa wa Tanga.

Pamoja na kuwa katikati ya Mkoa, Halmashauri ya Mji  wa Korogwe imeunganishwa na maeneo yote ya Mkoa wa Tanga, Mikoa ya kaskazini ya Kilimanjaro na Arusha na Mikoa ya Pwani na Dar es Salaam kwa upande wa kusini. Jiji la Tanga lipo umbali wa  kilomita zipatazo 93 kutoka Mji wa Korogwe, Arusha kilomita  ni 344 na Dar es Salaam kilomita ni 305.  Halmashauri  Mji wa Korogwe pamoja na Halmashauri  inayoizunguka, zimekuwa kiungo muhimu kihistoria kwa wazawa na wageni kutoka nje kama vile Mashariki ya Kati na Wapelelezi wa kikoloni, wafanyabiashara, wamishenari na watawala wa kikoloni. Kwa sasa Mji wa Korogwe umekuwa kitovu cha biashara na huduma katika njia kuu za reli na barabara kutoka Dar es Salaam, Tanga na Arusha. 

Mji wa Korogwe pia hutumika kama makao makuu ya utawala wa Halmashauri  zote mbili. Uchumi, shughuli za kijamii, miundombinu na utawala katika  Halmashauri zote mbili vinategemeana na ni jumuishi.

HALMASHAURI YA MJI WA KOROGWE 

MPANGILIO WA KIKANDA