DC apongeza ufaulu darasa la saba 2018

Posted on: October 26th, 2018

Akitoa pongezi hizo katika kikao cha baraza la madiwani kilichofanyika leo katika ukumbi wa halmashauri ya mji, mkuu wa Wilaya ya Korogwe Mh.Gwakisa Kasongwa ameutaka uongozi wa halmashauri kuendelea kushirikiana na idara ya elimu na kuwajibika ipasavyo ili matokeo yajayo yawe mazuri zaidi.

Katika mtihani wa darasa la saba uliofanyika mwezi wa tisa mwaka huu,Halmashauri ya mji wa Korogwe imefanikiwa kushika nafasi ya 2  kimkoa naya 33 kitaifa ambapo imesogea mbele kwa nafasi moja kutoka 34 mwaka jana 2017.

 Kikao cha baraza la waheshimiwa madiwani  kinafanyika kila baada ya miezi mitatu yaani robo  mwaka ambapo taarifa kutoka katika kamati mbalimbali za kudumu za madiwani kama vile Fedha na utawala, Kuthibiti ukimwi, Elimu na maji… huwasilishwa pamoja na taarifa kutoka  kata zote.