Katibu Tawala Wilaya ya Korogwe atoa msaada Gereza la Korogwe

Posted on: November 23rd, 2021

Katibu Tawala Wilaya ya Korogwe atoa msaada Gereza la Korogwe

Kuelekea maadhimisho ya miaka 60 ya uhuru wa Tanganyika, Katibu Tawala Wilaya ya Korogwe akiwa pamoja na Kamati ya maandalizi za sherehe za  uhuru wa Tanganyiaka  Novemba 23, mwaka huu amekabidhi msaada wa vifaa mbalimbali  kwa Mkuu wa Gereza la Wilaya ya Korogwe lililopo Korogwe Mjini. Msaada huo uliotolewa na Katibu Tawala  Wilaya ya Korogwe unajumlisha Sukari, Mchele, Mafuta ya kupikia, Dawa za meno pamoja  na Sabuni.

“Katika kusheherekea miaka 60 ya uhuru wa Tanganyika, Serikali tumemiletea zawadi ili tuweze kufurahi kwa pamoja” alisema Bi. Rahel Mhando ambaye ni Katibu Tawala Wilaya ya korogwe.  Bi. Rahel  alifafanua kuwa  sherehe za maadhimisho ya miaka 60 ya uhuru wa Tanganyika, zitakazofikia kilele chake Desemba 9, mwaka huu, inasheherekewa na  wananchi wote  ikijumlisha waliopo magerezani.

Katika Hatua nyengine, Bi. Rahel amewataka Vijana  wanatumikia vifungo Gerezani,  baada  ya kumaliza vifungo vyao kuwa waadilifu watakaporudi katika jamiii ili waweze kushiriki kikamilifu katika shughuli za maendeleo kwa leo la kuimarisha uchumi wao   na maendeleo ya nchi kwa ujumla. Bi. Rahel alisema “mtakaporudi katika jamii kuweni waadilifu”.

“Tunatoa shukrani kwa Uongozi wa Wilaya ya Korogwe na Serikali kwa ujumla kwa kutupatia  msaada” alisema SP. Godfrey Mhando ambaye ni Mkuu wa Gereza la Wilaya ya Korogwe. SP. Mhando alifafanua kuwa  wafungwa sio tu wanahitaji kupewa msaada na Serikali bali Wananchi wote wanakaribishwa kuonana na uongozi wa Magereza  iwapo wanahitaji kutoa msaada.

Katika hatua nyingine, Wafungwa waliokabidhiwa msaada wa vifaa mbailmabali walitoa shukrani kwa Katibu Tawala wa Wilaya ya Korogwe na Serikali kwa ujumla kwa kuwapatia msaada.