Kikao cha Madiwani charidhia mapato na matumizi ya robo ya nne ya 2017/2018

Posted on: October 31st, 2018

Katika kikao kilichofanyika ukumbi wa halmashauri mwishoni mwa wiki iliyopita huku akiwepo mbunge wa Korogwe mji Mhe. Mary Chatanda taarifa ya  mapato na matumizi kwa kipindi cha mwezi  Mach hadi Juni ilisomwa.Kipindi cha robo ya nne ya mwaka wa 2017/2018 halmashauri ilifanikiwa  kukusanya mapato ya ndani kiasi cha shilingi 296,036,700.46 na kutumia 288,148,364.56.Pia halmashauri ilipokea ruzuku jumla ya shilingi 5,369,511,377.35 na kufanya jumla ya ruzuku na makusanyo ya ndani kuwa 5,665,548,077.81.Hata hivyo  jumla ya shilingi 1,273,634,431.59 katika miradi ya maendeleo.

Baraza hilo pia limepitia na kuidhinisha taarifa mbalimbali zilizotokana na vikao vya kamati zote zakudumu za halmashauri ikiwepo kamati ya fedha na uchumi,Mipango miji na mazingira,kamati ya elimu ,afya na maji, pamoja na kamati ya kuthibiti ukimwi.Taarifa zote zimeonyesha utekelezaji  wa kina wa shughuli za kimaendeleo zilizofanywa na halmashauri kwa kipindi chote cha robo ya nne ya mwaka ulioishia mwezi juni 2018.

Aidha baraza la madiwani pamoja na mbunge  wameipongeza timu ya UMISETA iliyofanya vizuri  katika mashindano ya shule za sekondari mwaka huu ambapo ilifanikiwa kuwa yakwanza kimkoa na pia kuwezesha mkoa wa Tanga kuwa wa kwanza kitaifa.Kwa ushindi huo Mbunge aliahidi kuwachangia (poketi mane) katika safari yao kwenda mbuga za wanyama ili kukuza sekta ya utalii.