Mh. Komba awataka Wataalamu kuwa Wazalendo katika Miradi ya Serikali.

Posted on: April 29th, 2025

Mwenyekiti wa Halmashauri ya Mji wa Korogwe Mh. Francis Komba akiambatana na Madiwani wa kamati ya Fedha, Mkurugenzi wa Halmashauri ya Mji wa Korogwe Bi. Mwashabani Mrope Pamoja na Wataalamu wa Halmashauri ya Mji wa Korogwe katika ziara ya kutembelea Miradi ya Maendeleo. Mh. Komba amewataka Wataalamu kuwa wazalendo na miradi ya maendeleo inayotekelezwa na Serikali. Kauli hiyo aliitoa  katika ziara ya Madiwani wa kamati ya Fedha na  Utawala kama sehemu ya kuhitimisha Robo ya Tatu katika Mwaka wa Fedha 2024/ 2025. Ziara hiyo ilifanyika  Aprili 28 Mwaka huu (2025) katika maeneo mbalimbali ya Mji wa Korogwe.

Miradi iliyotembelewa na na Mh. Komba pamoja na kamati ya Fedha na Utawala ni  Mradi wa ujenzi wa  chumba cha Tehama  kilichopo  Shule ya Msingi Mbeza katika kata ya Manundu, Mradi wa ujenzi wa Nyumba ya Mganga mbili kwa moja (Two in one) katika Zahanati ya Lwengera Darajani inayopatikana kata ya Old Korogwe, Ukarabati wa Soko  la Samaki lililopo kata ya Manundu, Mradi mwingine uliotembelewa ni Ujenzi wa Mradi wa Nyumba ya Mwalimu Mbili kwa moja (Two in One) pamoja na Maendeleo ya Shule ya Sekondari Msambiazi  iliyopo kata ya Mtonga na Mradi wa Mwisho kutembelewa ulikuwa ni Ujenzi wa  Bweni  la Wanafunzi   katika Shule ya Sekondari Ngombezi inayopatikana kata ya Mgombezi.