Mkurugenzi wa Mji wa Korogwe akabidhi Kompyuta Mpakato kwa Idara ya Kilimo.

Posted on: September 10th, 2025

Mkurugenzi wa Halmashauri ya Mji wa Korogwe Bi. Mwashabani Mrope amewakabidhi  wanakikundi cha Mshikamano fund Idara ya Kilimo  Kompyuta Mpakato (Laptop) kumi zenye thamani ya Shilingi Milioni Tano na Laki mbili (5,200,000).Bi. Mwashabani Mrope amekabidhi Kompyuta Mpakato hizo kwa Kikundi cha mshikamano  Idara ya Kilimo kwa lengo la kuimarisha ufanisi wa kazi wakati wakitekeleza majukumu yao na pia itadumisha upendo na mshikamano mahali pa kazi. Makabidhiano hayo yalifanyika leo Septemba 10, 2025 (Mwaka huu) katika  ofisi za uthibiti ubora  wa Shule  Halmashauri ya Mji wa Korogwe.

Bi. Mwashabani Mrope aliwaasa wanamshikamano pasitokee hata mtu mmoja atakayewakatisha tamaa katika umoja wenu pendaneni ili kikundi kiweze kusonga mbele hata wale waliohama watamani kurudi tena”alisema Mkurugenzi wa Mji wa Korogwe”pia Bi. Mwashabani Mrope alichangia kikundi cha Mshikamano fund fedha za kitanzania Shilingi Laki mbili ili kutunisha mfuko huo. Naye Mwenyekiti wa Kikundi cha Mshikamano fund   Bw.Hamis Kileta alifafanua kuwa kikundi hiki lengo lake kuu ni kusaidiana wakati wa  shida na wakati wa raha. Aliendelea kwa kumshukuru Mkurugenzi wa Halmashauri ya Mji wa Korogwe kwa kutukabidhi Kompyuta Mpakato Pamoja na kututia moyo na tunakuhaidi  tutashikamana na kupendana.