Mkurugenzi wa Mji wa Korogwe akabidhi vishikwambi 30 kwa wataalamu wa kilimo

Posted on: November 7th, 2024

Mkurugenzi wa Mji wa Korogwe akabidhi vishikwambi 30 kwa wataalamu wa kilimo 

Mkurugenzi wa Halmashauri ya Mji wa Korogwe Bi. Mwashabani Mrope amekabidhi vishikwambi thelathini (30) Kwa Wataalamu wa Idara ya Kilimo, Mifugo na Uvuvi. Vishikwambi hivyo 30 vilivyokabidhiwa vilitolewa na Serikali kupitia Wizara ya Kilimo. Makabidhiano hayo yamefanyika Novemba 7, Mwaka huu (2024) katika Ofisi ya Halmashauri ya Mji wa Korogwe.

“Natoa shukrani za dhati kwa Mhe. Dkt. Samia Suluhu Hassan kwa kuwapatia wataalmu wa Idara ya Kilimo vishikwambi” alisema Bi. Mwashabani Mrope ambaye ni Mkurugenzi wa Halmashauri ya Mji wa Korogwe.  Bi Mwashabani alisisitiza kuwa ni vyema waliokabidhiwa wa vishikwambi wakavitunza ili viweze kudumu kwa muda mrefu.  Nae Bw. Ramadhani Sekija ambaye ni Mkuu wa Idara ya Kilimo, Mifugo na Uvuvi alimshukuru Mkurugenzi wa Halmashauri ya Mji wa Korogwe kwa kuwakabidhi vishikwambi wataalamu wa Idara ya yake.