Mkuu wa Wilaya ya Korogwe awataka Viongozi wa Kata, Wataalamu kufuata Misingi ya Kidemokrasia.

Posted on: March 23rd, 2025

Mkuu wa Wilaya ya Korogwe Mh. William Mwakilema amewataka Watendaji wa Kata kutoka Halmashauri mbili ya Korogwe Mji na Halmashauri ya Wilaya ya Korogwe,Wakuu wa Idara na Vitengo kufuata misingi ya Utawala Bora na Kuimarisha Demokrasia ya kweli hapa Nchini Kwa Kulinda Haki za Binadamu   Pamoja na kufuata Maadili na miiko ya uongozi. Lengo kuu ya Mafunzo hayo ya Uraia na Utawala Bora kwa Viongozi wa Mamlaka za Serikali za Mitaa ni kuwajengea Viongozi uwezo kuhusu Haki na Uwajibikaji kwa kufuata Katiba ya Nchi .Mh. Mwakilema ameyasema hayo wakati akifungua Mafunzo ya Uraia na Utawala Bora kwa Viongozi wa Mamlaka za Serikali za Mitaa Machi 22, (2025) Mwaka huu  katika Ukumbi wa Halmashauri ya Mji wa Korogwe.