Mwakilishi wa Mkuu wa Wilaya ameyataka mashirika yasiyo ya kiserikali kufuata Sheria na miongozo ya Serikali

Posted on: July 1st, 2025

Kaimu Mkurugenzi wa Halmashauri ya Mji wa Korogwe Bw. Burhan Ngulungu ambaye Amemwakilisha Mkuu wa Wilaya ya Korogwe Mh. William Mwakilema amewataka wanaoendesha Mashirika yasiyo ya Kiserikali kufuata Sheria za Nchi husika na miongozo inayotolewa na Serikali wakati wanapotekeleza Miradi ya Maendeleo.  Bw. Ngulungu alitoa kauli hiyo kwenye Ufunguzi wa Jukwaa la Mwaka la Mashirika yasiyo ya Serikali. Ufunguzi huo umefanyika Julai 01, 2025 Katika Ukumbi wa Halmashauri ya Mji wa Korogwe Siku ya Jumanne.

Naye Msajili  Msaidizi wa Mashirika yasiyo ya Kiserikali Halmashauri ya Wilaya ya Korogwe Bw. Joseph Gweba  alieleza kuwa lengo la kikao hicho cha Jukwaa la Mashirika yasiyo ya Kiserikali ni kuwapitisha Wajumbe katika  kuwasilisha   na Kujadili mchango wa NGOs kwa Mwaka 2024.