Mwenyekiti wa CCM mkoa wa Tanga akagua miradi ya maendeleo Halmashauri ya Mji wa Korogwe.

Posted on: May 16th, 2025

Mwenyekiti wa Chama cha Mapinduzi (CCM) Mkoa wa Tanga Mh. Rajabu Abdallah ambaye ni Mjumbe wa Kamati kuu ya Chama cha mapinduzi (CCM) Taifa akiambatana na  Halamshauri  kuu ya Chama cha Mapinduzi  Mkoa wa Tanga, pamoja na Halmashauri kuu ya Chama cha mapinduzi Mji wa Korogwe,Mkuu wa Wilaya ya Korogwe Mh. William Mwakilema, Mbuge wa Korogwe Mjini  Dkt.Alfred Kimea, Mkurugenzi wa Mji wa Korogwe Bi. Mwashabani Mrope,akikagua miradi ya Maendeleo inayotekelezwa na Serikali katika Halmashauri ya Mji wa Korogwe. Ziara hiyo ya kutembelea miradi ya maendeleo katika Halmashauri ya Mji wa Korogwe imefanyika Mei 16, mwaka huu (2025). Kwa upande mwingine Mh. Rajabu Abdallah alichangia Magunia kumi (10) ya mchele yenye thamani ya Shilingi Milioni mbili na nusu (2,500,000 kwaajili ya chakula cha Wanafunzi wanaokaa Bweni katika Shule ya Sekondari ya Ngombezi.

Miradi iliyotembelewa na Mh. Rajabu Abdalla Mwenyekiti wa Chama cha Mapinduzi Mkoa wa Tanga ni pamoja na  Mradi wa Ujenzi wa Bweni la Wanafunzi  katika Shule ya Sekondari Ngombezi iliyoko Kata ya Mgombezi na Chumba cha maabara ya Sayansi  katika Shule ya Sekonadari New Bagamoyo iliyopo kata ya Bagamoyo.