Mwenyekiti wa Chama cha Mapinduzi Halmashauri ya Mji wa Korogwe atembelea Ujenzi wa Miradi ya maendeleo.

Posted on: May 16th, 2025

Mwenyekiti wa Chama cha Mapinduzi (CCM) Halmashauri ya Mji wa Korogwe Mh. Thobias Nungu,katibu wa Chama cha Mapinduzi Halmashauri ya Mji wa Korogwe Mh. Evarest Mluge, Mwenyekiti wa Halmashauri ya Mji wa Korogwe, Mkurugenzi wa Mji wa Korogwe akiambatana  pamoja na kamati kuu ya Chama cha Mapinduzi (CCM) Halmashauri ya Mji wa Korogwe, Waheshimiwa Madiwani wametembelea Ujenzi wa miradi ya maendeleo ili kujionea utekelezaji wa miradi hiyo. Kwaupande mwingine  Mwenyekiti wa Chama cha Mapinduzi Halmashauri ya Mji wa Korogwe Mh. Nungu ametoa pongezi kwa Mkurugenzi wa Halmashauri ya Mji wa Korogwe Bi. Mwashabani Mrope kwa usimamizi mzuri wa fedha za miradi ya maendeleo inayotekelezwa na Serikali  katika Halmashauri ya Mji wa Korogwe. Mh. Mwenyekiti alitoa pongezi hizo kwenye ziara  ya  ukaguzi wa miradi ya maendeleo kamati ya Siasa ya Chama cha Mapinduzi (CCM) Korogwe Mjini  iliyofanyika Mei 15, 2025.

MIradi iliyotembelewa na kamati ya Siasa ya Halmashauri ya Mji wa Korogwe ni pamoja na Ujenzi wa chujio la maji linalojengwa Mtaa wa kwamkole kata ya Mtonga, Ukarabati wa ujenzi wa vibanda soko la Samaki Manundu,Mradi wa Ujenzi wa Shule Mpya ya Sekondari Majengo, na Mradi wa mwisho ni  ujenzi wa Nyumba ya Mganga  mfawidhi Zahanati ya Lwengera iliopo kata ya Old Korogwe.