Vyama vya siasa vyatakiwa kuzingatia sheria

Posted on: October 25th, 2024

Vyama vya siasa vyatakiwa kuzingatia sheria 

Afisa kutoka Ofisi ya Msajili wa vyama vya siasa Bw. Edmund Mugasha amevitaka Vyama vya Siasa Jimbo la Korogwe Mjini pamoja na Korogwe Vijijini kuzingatia sheria za vyama vya siasa hapa Nchini. Agizo hilo alilitoa wakati wa kikao kilichoandaliwa na Ofisi ya Msajili wa vyama vya Siasa kwa lengo la kuwapiga msasa Viongozi wa vyama vya Siasa ili waweze kufanya siasa safi wakati wa kiny’ang’any’iro cha Uchaguzi wa Serikali za Mitaa unaotarajiwa kufanyia Novemba 27, 2024. Kikao hicho cha Siku Moja kilifanyika Oktoba 25, Mwaka huu (2024) katika Ukumbi wa Halmashauri ya Mji wa Korogwe.

“Mnapoingia kwenye kiny’any’any’iro cha uchaguzi tiini sheria za vyama vya siasa” alisema Bw. Edmund Mugasha ambaye ni Afisa kutoa Ofisi ya Msajili ya vyama vya Siasa. Bw. Mugasha alisisitiza kuwa Viongozi ni kioo cha jamii hivyo ni vyema wakajiepusha na rushwa pamoja na ubaguzi wa aina yoyote wakati wa mchakato wa kugombania nafasi mbalimbali katika Uchaguzi wa Serikali za Mitaa.

Kwa upande mwengine, Viongozi wa vyama walioshiriki katika kikao hicho wameahidi kufanya siasa safi wakati wa uchaguzi wa Serikali za Mitaa kwa maslahi ya Wananchi wa Jimbo la Korogwe Mjini, Korogwe Vijijini na Nchini kwa ujumla.