Wadau wa elimu Mji wa Korogwe wakutana kujadili uboreshaji wa elimu

Posted on: March 15th, 2022

Wadau wa elimu Mji wa Korogwe wakutana  kujadili  uboreshaji wa elimu

Wadau wa elimu katika Mji wa Korogwe  wamekutana katika kikao maalum kinanchofanyika kila mwaka, kikao ambacho huratibiwa na Halmashauri ya Mji wa Korogwe kwa lengo la kujadili namna ya uboreshaji wa  Sekta ya elimu katika Mji wa Korogwe. Kikao hicho kilichowakutanisha Wadau wa elimu kutoka ngazi ya Halmashauri ya Mji wa Korogwe, Taasisi Binafsi, Taasisi za Serikali pamoja na Wadau mbalimbali kilifanyika Machi 15, mwaka huu katika ukumbi wa Mikutano wa Halmashauri ya Mji wa Korogwe.

“Wadau wote wa elimu tushikamane kwa dhati kwenda kuboresha elimu kwa maendeleo ya Mji wetu wa Korogwe” alisema Mhe. Francis Komba ambaye ni Diwani wa Kata ya Mtonga na Mwenyekiti wa Halmashauri ya Mji wa Korogwe wakati wa mkutano wa wadau wa elimu. Mhe. Komba  alifafanua zaidi kuwa ili Mji wa Korogwe uweze kusonga mbele katika Sekta ya elimu ni vyema kila mdau wa elimu kuainisha changamoto zilizopo mashuleni na kufanya majadiliano  kwa kina pamoja na kutathimini  namna gani  changamoto hizo zinaweza kutatuliwa.

Kwa upande mwengine, Wadau mbalimbali walioshiriki katika kikao hicho cha elimu walitoa mapendekezo yao kuwa ili Sekta ya elimu iweze kusonga mbele ni vyema kukaanzishwa utaratibu wa wanafunzi ukupata chakula cha mchana shuleni. Mapendekezo mengine yaliyotolewa ni pamoja utoaji wa motisha kwa walimu pamoja na wanafunzi walifanya vizuri katika masomo yao ili waweze kuongeza jitihada katika masomo.

Katika hatua nyengine, Mhe. Francis Komba ambaye ni Mwenyekiti  wa Halmashauri ya Mji wa Korogwe pamoja  na Ndugu Nicodemus Bei ambaye ni  Mkurugenzi wa Halmashauri ya Mji  wa Korogwe walikabidhi zawadi kwa shule pamoja na wanafunzi waliofanya vizuri katika mitihadi ya kumaliza elimu ya Darasa la Saba pamoja na Kidato cha Nne  kwa mwaka 2021 kwa Shule za Serikali pamoja na Shule za Taasisi Binafsi.

Nao Walimu waliokabidhiwa zawadi kwa niaba ya Shule zao pamoja na Wanafunzi waliofanya vizuri katika mitihani ya kumaliza masomo kwa mwaka 2021 walitoa shukrani zao kwa  Uongozi wa Halmashauri ya Mji wa Korogwe kwa kuwapatia zawadi na kuahidi kuwa wataongeza  bidii katika ufundishaji na pamoja na kuwahamsisha wanafuzi wasome kwa bidiii ili waweze kufanya vizuri zaidi katika mitihani ijayo.