Wanufaika wa mkopo wa asilimia kumi watakiwa kuresha mkopo kwa wakati.

Posted on: September 25th, 2025

Mkuu wa Wilaya ya Korogwe Mh. William Mwakilema amewataka Wananchi walionufaika na mkopo wa Halmashauri ya Mji wa Korogwe unaotokana na mapato ya ndani ya asilimia kumi kurejesha  mkopo huo  kwa wakati ili  kunufaisha Wananchi wengine, pia alisisitiza kufuata sheria  za Barabarani wakati wakiendesha vyombo vya moto  ili vyombo hivyo vidumu muda mrefu.

 Mh. Mwakilema alitoa nasaha hiyo Septemba 25, 2025 katika hafla ya kukabidhi hundi ya mkopo yenye thamani ya shilingi Milioni mia moja ishirini na saba laki saba hamsini  na tano elfu mia moja kumi na tisa  na senti tisini (127,755,119.90) kwa vikundi kumi na saba (17) vya Wanawake, Vijana, na Watu wenye ulemavu katika kipindi cha robo ya Nne ya mwaka wa fedha 2024/2025.Hafla hiyo imefanyika kweye Mtaa wa Manzese  kata ya Bagamoyo Halmashauri ya Mji wa Korogwe.

Naye Mkurugenzi wa Halmashauri ya Mji wa Korogwe Bi. Mwashabani Mrope alisema” kupitia utoaji wa mkopo wa asilimia kumi tumeweza kupunguza tatizo la ajira katika Halmashauri ya Mji wa Korogwe. Mikopo hii imeenda kupunguza kabisa utegemezi katika familia zao kupitia  mkopo asilimia kumi.  Kwa upande Wanawake imetengwa   asilimia 4%, Vijana asilimia 4%, Pamoja na Watu wenye ulemavu asilimia 2%, jumla inakamilsha asilimia 10% kutoka mapato ya ndani ya Halmashauri.