Watumishi wapya 103 waanza kazi Mji wa Korogwe

Posted on: November 20th, 2024

Watumishi wapya 103 waanza kazi Mji wa Korogwe

Watumishi wapya 103 wa kada mbalimbali wameshawasili na kuanza kazi katika Halmshauri ya Mji wa Korogwe. Kuwasili kwa Watumishi hao 103 ni jitihada za Rais wa Jamhuri ya Muungano wa Tanzania Mhe. Dkt. Samia Suluhu Hassan kuhakikisha anapunguza uhaba wa Watumishi katika Halmashauri hapa nchini. Taarifa ya kuwasili kwa Watumishi hao ilitolewa na Mkurugenzi wa Mji wa Korogwe Bi. Mwashabani Mrope wakati wa Mafunzo ya siku Moja ya kuwajengea uwezo Watumishi wapya kuhusu taratibu, kanuni na sheria za maswala ya kazi. Mafunzo hayo yalifanyika Novemba 20, Mwaka huu (2024) katika Ukumbi wa Halmashauri ya Mji wa Korogwe.