Madiwani wa Mji wa Korogwe wapongezwa kwa utekelezaji wa Ilani ya CCM

Posted on: November 2nd, 2022

Madiwani wa Mji wa Korogwe wapongezwa kwa utekelezaji wa Ilani ya CCM

Mkuu wa Wilaya ya Korogwe Mhe. Basilla Mwanukuzi ametoa pongezi kwa Madiwani wa Halmashauri ya Mji wa Korogwe kwa utekelezaji  mzuri wa Ilani ya Chama cha Mapinduzi (CCM). Utekelezaji huo wa Ilani ya CCM umehusisha  ushiriki wa Madiwani katika Ujenzi wa Miradi ya maendeleo  pamoja na utatuzi wa kero za Wananchi.  Pongezi hizo zimetolewa  wakati cha Kikao cha Baraza la Madiwani cha Robo ya Kwanza katika  Mwaka  wa fedha  2022/23  kilichofanyika Novemba 2, Mwaka huu katika ukumbi  wa Halmashauri ya Mji wa Korogwe.

“Natoa pongezi kwa Waheshimiwa Madiwani kwa utekelezaji mzuri wa ilani ya Chama cha Mapinduzi ikiwemo ushiriki wenu katika Ujenzi wa  Miradi ya maendeleo pamoja na utatuzi wa kero za wananchi” alisema Mhe. Basilla Mwanukuzi ambanye ni Mkuu wa Wilaya ya Korogwe.  Mhe. Basilla  alifafanua kuwa ni vyema Madiwani wakashiriki katika Ujenzi wa  Miradi ya maendeleo kama vile elimu na afya  katika  kwa lengo la kuhakikisha  Wananchi wanapata huduma  za jamii  jirani na  maeneo yao.

Katika hatua nyengime, Mhe. Basilla Mwanukuzi amewataka Madiwani wa Mji  wa Korogwe kila mmoja kwa nafasi yake kushiriki katika  kuwafichua watu wote wanaojihusisha na biashara ya mihadarati katika maeneo yao  ili kunusuru vijana wasiangamie  katika uraibu  wa mihadarati  kwa kuwa  ndio tegemezi kwa ujenzi wa Taifa letu.  Mhe.Basilla alisema “Waheshimiwa Madiwani naomba tushirikiane katika kuwafichua watu wote wanaojihusisha na biashara ya madawa ya kulevya katika maeneo yetu”.

Kwa upande mwengine, Mwenyekiti wa Halmashauri ya Mji wa Korogwe Mhe. Francis Komba amewataka Wakuu wa Idara na Vitengo kushiriki vyema  katika ukusanyaji wa  mapato  ya Halmashauri  ili kupata fedha za kutosha  zikazotumika katika Ujezi wa Miradi mbalimbali ya maendeleo  Mhe. Komba alisema “Wakuu wa Idara na Vitengo kila mmoja kwa nafasi yake ashiriki ipasavyao katika ukusanyaji wa mapato ya Halmashauri”.

“Maagizo yote yaliyotolewa katika Baraza la Madiwani tumeyapokea na tutayafanyia kazi” alisema Bw. Nicodemus Bei ambaye ni Mkurugenzi wa Halmashuri ya Mji wa Korogwe wakati wa Kikao cha Baraza la Madiwani .  Nae  Ndugu Maurice Kinyashi ambaye ni Mwananchi wa Mji wa Korogwe aliyeshiriki katika Kikao cha Baraza la Madiwani alitoa pongenzi  kwa Baraza  hilo la Madiwani jinsi lilivojadili  kwa kina changamoto  mbalimbali zilizopo katika Jamii.