Wanafunzi 19,417 wanatarajiwa kupatiwa kingatiba ya ugojwa wa minyoo na kichocho

Posted on: November 19th, 2022

Wanafunzi 19,417 wanatarajiwa kupatiwa kingatiba ya ugojwa wa minyoo na kichocho

Halmashauri ya Mji wa Korogwe chini ya Mpango wa Taifa wa Magonjwa yaliyokuwa hayapewi kipaumbele  inatarajia Novemba 22 hadi 23, Mwaka huu kutoa Kingatiba za ugojwa wa Minyoo na Kichocho kwa Wanafuzi wa Shule za Msingi takribani  19,417. Idadi hiyo ya Wananfunzi itahusisha  Wanafunzi  wenye  umri kuanzia  miaka Mitano  hadi  Kumi na Nne kutoka  Shule za Msingi 35 za  Serikalini pamoja na  Binafsi. Mpango huo wa utoaji wa Kingatiba ulitangazwa wakati wa Kikao Kazi cha Wataalamu wa afya kilichofanyika Novemba 19, Mwaka huu katika ukumbi wa Mikutano wa Hospitali ya Mji wa Korogwe (Magunga).

 “Serikali imejipanga vyema kuhakikisha ugojwa wa Minyoo na Kichocho unapungua au kutokomezwa kabisa katika shule za msingi hapa nchini” alisema Bi. Florence Makunda  ambaye ni Mfamasia na  Mratibu  wa  utoaji Kingatiba za ugojwa wa Minyoo na Kichocho kutoka Wizara ya Afya. Bi. Florence asisitiza kuwa suala la uhamasishaji wa unywaji wa Kingatiba (Dawa)  kwa Wanafunzi sio la Serikali pekeyake, bali  Wazazi na Walezi pia wanatakiwa kuunga  mkono jitihada za Serikali ikiwa ni pamoja na kuhakikisha Wanafunzi wote wamekwenda shule siku ya utoaji Kingatiba.

“Kingatiba zitakazotolewa kwa Wanafunzi ni salama na hazina madhara yoyote” alisema Bi. Veronica Joseph ambaye ni Mratibu wa Magojwa yaliyokuwa hayapewi kipaumbele katika Halmashauri ya Mji wa Korogwe aliyemuakilisha Mkurugenzi katika Kikao Kazi cha Wataalamu wa afya. Bi, Veronica alifafanua kuwa Kingatiba zitakazotolewa kwa Wanafunzi shuleni ni pamoja na Albendazole na Praziquantel. Nae Bw. Aseri Mshana  ambaye ni Muakilishi kutoka Idara ya  Elimu  ya  Awali na Msingi Katika Halmashauri ya Mji wa Korogwe alisema “Walimu wako tayari kwa utekelezaji wa  zoezi la utoaji wa kingatiba kwa Wanafuzi”.