Wanawake wa Korogwe watoa Mahitaji kwa Watoto wenye mahitaji maalumu na Wagonjwa.

Posted on: March 4th, 2025

Kaimu Mkurugenzi wa Halmashauri ya Mji wa Korogwe Bi. Happy Luteganya akiambatana na Wanawake wa Wilaya ya Korogwe wametoa  zawadi  kwa Wanafunzi wenye Ulemavu wa Akili na Usonji   zawadi hizo zimetolewa kwa Shule mbili ikiwemo Shule ya Msingi kwamngumi na Shule ya Msingi kwasemangube pia wametoa mahitaji  katika Hospitali ya Mji wa Korogwe Magunga. Lengo la ziara hii ni  kuunga mkono jitihada za Mh. Rais wa Jamhuri ya Muungano wa Tanzania Dkt. Samia Suluhu Hassan kwa kuwafikia Wanawake na Watoto wenye changamoto ya Uhitaji  ni katika kuelekea kilele cha Maadhimisho ya Siku ya Wanawake Duniani kitaifa Maadhimisho hayo yanatarajia kufanyika Mkoani Arusha na Kiwilaya yanatarajia kufanyika Machi 05 ,2025 kata ya Makuyuni Wilaya ya Korogwe. Ziara hiyo imefanyika Machi 4, 2025.

Mahitaji yaliyotolewa na kukabidhiwa Wanafunzi  wenye Ulemavu wa Akili ,Usonji Pamoja na Wagonjwa waliolazwa ni Pamoja na Mchele, Sukari, Juisi, Sabuni za kufulia na za kuogea, Tambi, Biskuti , pipi na Penseli.