Mji wa Korogwe wakamilisha Mradi wa Ujenzi wa Vyoo vya Kisasa

Posted on: July 5th, 2024

Mji wa Korogwe wakamilisha Mradi wa Ujenzi wa Vyoo vya Kisasa

Halmashauri ya Mji wa Korogwe mpaka kufikia Julai 4, Mwaka huu (2024) tayari imekamilisha Mradi wa Ujenzi wa Matundu ya Vyoo vya Kisasa katika shule Nne za Msingi. Mradi huo wa Ujenzi wa Matundu ya Vyoo umetekelezwa kwa fedha Kiasi cha Shilingi Milioni Thelethini na Tano na Laki Saba. Fedha zote za utekelezaji wa Mradi huo zilitolewa na Serikali kwa lengo la uboreshaji wa Sekta ya Elimu hapa Nchini.

Shule zilizonufaika na Mradi huo ni pamoja na Shule ya Msingi Matondoro, Kwakombo, Msambiazi Pamoja na Bagamoyo. Kukamilika kwa Mradi huo wa Ujenzi wa  Matundu ya Vyoo katika Shule hizo  kutasaidia kupunguza uhaba wa Matundu ya Vyoo na Kufanya Shule hizo kuwa na mazingira rafiki kwa Wananfunzi.