Waratibu Elimu kata na Wali Wakuu wa Shule za Msingi za Mji wa Korogwe wajengewa uwezo wa usimamizi wa ufundishaji na Ujifunzaji.

Posted on: June 27th, 2025

Afisa Elimu Awali na Msingi Halmashauri ya Mji wa Korogwe Bi. Sharifa Wanja amewataka Waratibu Elimu kata pamoja na Walimu Wakuu wa Shule za Msingi Halmashauri ya Mji wa Korogwe Kwenda kuunda Timu ya Ufuatiliaji wa Dhima, Dira na Misingi bora ya uendeshaji wa Shule zetu.  Bi. Sharifa Wanja ameyasema hayo kwenye  kufunga Mafunzo ya  Jumuiya za Kujifunza (JZK). Mafunzo hayo yaliendeshwa kwa muda wa Siku mbili kuanzia Juni 26, 2025 na kuhitimishwa Juni 27, 2025. Mafunzo hayo yalifungwa rasmi Juni 27, 2025 katika Ukumbi wa Shule ya Msingi New Korogwe.

Lengo kuu la Mafunzo ni kuwajengea uwezo Viongozi katika usimamizi wa Ujifunzaji na Ufundishaji kwa Maafisa  Elimu ngazi ya Halmashauri , Maafisa Elimu kata pamoja na Walimu wakuu wa Shule zote za Msingi zilizopo katika Halmashauri ya  Mji wa Korogwe.

 Sambamba na ufungaji wa Mafunzo ya Jumuiya za Kujifunza (JZK) Bi. Sharifa Wanja alitoa  Tathmini ya Matokeo ya  Mtihani wa Upimaji wa Darasa la Nne na Mtihani wa kumaliza Elimu ya Msingi wa  Darasala Saba k wa Mwaka 2024. Afisa Elimu Msingi alifafanua  kuwa  Halmashauri ya Mji wa Korogwe imeingia Kumi Bora kitaifa kwa Matokeo mazuri ya Darasa la saba kwa Mwaka 2024 na kupata Tuzo, hivyo akawaomba  Waratibu na Walimu wakuu kuwasimamia Walimu katika ufundishaji ili tusilewe sifa , nao Jumuiya ya Wazazi ya CCM Wilaya ya Korogwe Mjini haikuwa nyuma katika Pongezi hizo, wakatoa Cheti cha Pongezi kwa Bi. Sharifa Wanja ambaye ni Afisa Elimu Awali na Msingi Halmashauri ya Mji wa Korogwe