Naibu Waziri wa TAMISEMI atoa pongezi kwa Mji wa Korogwe

Posted on: January 8th, 2021

Naibu Waziri wa TAMISEMI atoa pongezi kwa Mji wa Korogwe

Naibu Waziri Tawala za Mikoa na Serikali Mitaa (TAMISEMI) Mhe. Dkt. Festo Dugange amefanya ziara katika Halmashauri ya Mji wa Korogwe kwa lengo la kukagua miradi ya maendeleo  inayotekelezwa na serikali ya awamu  ya Tano. Ziara hiyo imefanyika Januari 8, mwaka huu katika maeneo mbalimbali ya Mji wa Korogwe.

 “Niwapongeze kwa taarifa nzuri ya Halmashauri iliyotolewa na Mkurugenzi” Mhe. Dkt.  Festo Dugange alisema wakati akizungumza na watumishi wa umma pamoja na kupokea  taarifa  kutoka kwa Mkurugenzi wa Halmashauri ya Mji wa Korogwe kuhusu Mapato na Matumizi ya Halmashauri, taarifa ya utekelezaji wa miradi ya maendeleo katika sekta za afya, barabara pamoja na utoaji wa mikopo ya asilimia kumi kwa Vijana, Wanawake na Watu wenye ulemavu. 

Kwa upande mwengine Mhe. Dkt. Festo Dugange alitembele Hospitali ya Mji wa Korogwe (magunga) kwa lengo la kuangalia utoaji wa huduma za afya katika hospitali  hiyo pamoja na kupata nafasi ya kusalimiana na  wagojwa waliokuja kupata huduma hospitalini hapo.  Mhe. Dkt. Dugange alihitimisha ziara yake kwa   kutembelea mradi wa ujenzi wa barabara kwa kiwango cha lami katika Mtaa wa Kwamkole.  

Nae Mhe. Kissa Kasongwa ambaye ni Mkuu wa Wilaya ya Korogwe  alitoa shukrani kwa Naibu Waziri wa TAMISEMI kwa kutembele Halmashauri ya Mji wa Korogwe na kuahidi kufanyia kazi maelekezo yote aliyotoa ili kuhakikisha Halmashauri ya Mji wa Korogwe na Serikali kwa ujumla inafikia malengo yake.