Wananchi wa Mji wa Korogwe wakabidhiwa Hati za Viwanja

Posted on: August 3rd, 2021

Wananchi wa Mji wa Korogwe wakabidhiwa Hati za Viwanja

Msajili wa Hati Msaidizi Mkoa wa Tanga Bi. Rosemery Mshana amekabidhi Hati za Viwanja Hamsini na Tano (55) kwa Wananchi wa Mji wa Korogwe. Hati za Viwanja zilizokabidhiwa zilihusisha maeneo ya makazi yaliorasimishwa pamoja na maeneo ya viwanja vya mradi. Mchakato huo wa kukabidhi Hati za Viwanja umefanyika Agosti 3, mwaka huu katika ukumbi wa mikutano wa Halmashauri ya Mji wa Korogwe.

“Hati za Viwanja tulizomikabidhi zitasaidi kuepusha migogoro ya ardhi katika familia na jamii kwa ujumla” alisema Bi. Rosemery Mshana ambaye ni Msajili wa Hati Msaidizi Mkoa wa Tanga. Bi. Rosemery alifafanua kuwa kila mwananchi aliekabidhiwa Hati yake ni vyema akaitunza vizuri kwasababu Hati ya Kiwanja ni dhamana itakayotumika kwenye shughuli mbalimbali.

“Tunaendelea na mchakato wa kurasimisha maeneo ya Mji wa Korogwe katika maeneo ambayo bado hayajarasimishwa” alisema Ndugu Frank Fuko ambaye ni Mkuu wa Idara ya Ardhi na Mipango Miji katika Halmashauri ya Mji wa Korogwe anayemuwakilisha Mkurugenzi. Ndugu Fuko alifafanua kuwa kwa Wananchi ambao hawajakuja kuchukua Hati za Viwanja vyao, Maafisa Ardhi watawasiliana na wahusika ili wakabidhiwe hati zao.

Kwaupande mwengine,Wanachi waliokabidhiwa Hati za Viwanja vyao walitoa shukrani kwa Idara ya Ardhi na Mipango Miji ya Halmashauri ya Mji wa Korogwe na Serikali kwa ujumla kwa kukabidhiwa Hati za Viwanja vyao.